胡定欣、黃德斌昨日在尖沙嘴出席「全新LexusRX登場揭幕禮」活動，姚子羚擔任大會司儀。定欣被指過去有七段情史，獲封「新一代姣精」，她笑說：「冇數過有幾多段，但大家所知得兩段（吳浩康和馬國明），多謝畀我一份小禮物，呢排《拳王》出街，當係幫齣劇做宣傳。」
有指鄭嘉穎拍《拳王》期間十分躁底，曾辱罵演拳手的臨時演員，定欣說：「冇喎！佢唔係呢種人，反而覺得佢變得開朗咗好多，以前佢好cool，家識同人講笑。」黃德斌亦說：「如果講合作有意見，咁個個都有，只係方式唔同，亦冇聽過佢辱罵臨時演員；反而我同佢對打，大家都唔識打，有時俾佢打親，我會話佢你使唔使咁呀，呢類發洩說話間中都會講。」
採訪：魯萍
攝影：陳順禎