今屆金像獎最佳男配角盧海鵬噚日去咗新城做訪問，有人話今次賽果係內定，鵬哥話冇可能，佢話﹕「如果係，我當日一早請假去攞獎啦，都係臨時畀人拉咗去。」問鵬哥得獎後有冇加片酬？鵬哥話：「應該要加咩？人哋鍾意加咪加囉，家都拍緊兩部戲。」鵬哥話家都唔想太勞碌，有諗過退休，有戲拍就拍，但拍電視劇實在太辛苦，唔會考慮拍。