【本報訊】長沙灣一名八旬獨身婆婆，拒領政府綜援，靠賣菜自力更生，昨晨在東京街擺賣遭食環署冚檔，街坊憐婆婆年老代抱不平，群起指摘食環署不近人情，食環署人員最後讓步，只充公婆婆貨物，不作檢控。
被充公貨物的婆婆潘錦笑（80歲），與親侄一家三口同住白田邨昌田樓25樓一單位，60年代偷渡來港後靠做流動小販餬口，每天6時前到長沙灣菜欄買菜後在街頭擺賣。昨晨10時許，潘婆婆在東京街開檔賣四季豆、粟米及菜心。一批食環署人員突然出現冚檔，雙方發生爭執。有街坊不忿，群起指摘，「唔食政府綜援應該表揚啦，仲要拉？新移民一落嚟就攞綜援，家呢啲老人家幾好呀。」在群情洶湧下，食環署只充公婆婆的貨物及手推車，潘眼見1,300元貨物被拖走，滿面無奈，趕回家準備再開檔：「梗係賣啦，唔使食飯呀？賣咗幾十年菜，唔賣唔安樂」。