2005年吳卓羲（Ron）在電視廣告說的一句港式英語「賣飛佛」（Myfavourite），之後成了Ron的代號，Ron昨日為啤酒品牌拍平面廣告，談到「賣飛佛」，Ron說當年老闆覺得發音沒問題，而昨天他與老外攝影師合作，卻是聆聽居多，看來是怕講多錯多。
吳卓羲於2005年在泰林電器廣告中說的「賣飛佛」，令人印象深刻，自此「賣飛佛」亦成了Ron的代號，但之後都很少見他在港接拍其他廣告。
叫張馨予咪等
最近Ron終於發市，他昨在柴灣為啤酒BlueIce拍平面廣告，問他是否「賣飛佛」後沒再接拍香港廣告？Ron說：「唔係，之後都有個健康飲品，其餘都係內地廣告多。」「賣飛佛」後對講英文有否恐懼？他說：「當年老闆都覺得個發音冇問題，家都唔會驚，有時啲活動會有外國人，都會同佢哋對答，冇問題，但太深就未必得囉。」有關方面昨安排一老外攝影師為Ron拍照，二人雖有交流，但見Ron聽多過講，相信是怕講多錯多。
Ron的緋聞女友張馨予是內地佳麗，問Ron普通話是否可對答如流？他笑言：「我廣東話講得最好，普通話都OK喇，內地有助手，我成日都同佢講嘢。」難道Ron與張馨予只用身體語言溝通？他說：「唔係，都係講普通話。」問二人最近發展如何？甚麼時候公開關係？Ron只說：「做嘢先啦，感情遲吓先講，等我搵夠錢先，適當時候會講。」記者說張馨予未必等得，Ron笑說：「唔等得咪搵第二個囉。」
另外，無綫音樂總監鄧智偉下月開的演唱會，被指門票滯銷，要劈價速銷，Ron是表演嘉賓之一，他說：「唔相信會滯銷，對佢能力同才華有信心。」
採訪：胡比
攝影：陳慧安
