Baby揚言炸飛機，其實已可構成罪行。記者昨日致電黃國桐律師了解，他認為Baby已觸犯了第161條法例：有犯罪或不誠實意圖而取用電腦。記者提到Baby身處北京發佈訊息，香港會否受理？黃國桐說：「佢喺網上發佈，所以喺邊唔係重點。」他強調就算大家明知Baby亂噏，但照樣構成罪行，他說：「若然你有惡意、有動機去做，就係有預謀，咁仲衰多瓣。」假若罪成，最高刑罰可被判監禁5年。
黃國桐指Baby此舉同樣違反內地公安條例，不過他認為內地公安受理的可能性不高：「佢有少少喪喪哋，大家信佢嘅程度唔係咁大，所以唔會去到公安條例、國際恐怖嗰啲。」
其實本港著名武指林迪安，其妻96年與他感情生變，並帶同兩名兒子前往德國，林迪安情急下虛報航班有炸彈意圖阻止妻兒離港，最後被警方拘捕，被控浪費警力，判監十個星期。
採訪：葉雪