鄭嘉穎同李詩韻日前喺觀塘接受訪問宣傳《拳王》，李詩韻話：「雖然唔係做拳手，不過我都要上擂台俾嘉穎打，劇情講我鍾意佢，佢想拒絕我就同我打擂台，話我聽練拳嘅地方唔啱我去。」嘉穎就話現實中佢好少咁狠心對女仔。李詩韻又要借醉咀嘉穎，佢話：「好少拍咁激嘅咀戲，但冇所謂，好多謝嘉穎，因為佢帶到我入戲。」