黃智雯情有獨鍾白色的中型狗，貪牠們白雪雪夠可愛，她說：「迷你size狗太細隻，抱起冇質感，大size又難控制，中size就啱啱好，抱入懷中最好攬。」
嚴禁行近鞋櫃
為了讓兩頭愛犬經常保持白雪雪兼香噴噴，黃智雯定期帶牠們做美容，她說：「我每星期都帶佢哋去美容院冲凉，有時仲會安排佢哋做埋spa，始終白毛好難打理。我盡量唔帶佢哋落街，好怕街外污糟，又怕佢哋惹到牛蜱，帶完佢哋出去玩，我一定同佢哋抹乾淨晒四肢。」
黃智雯又擔心自己的鞋會沾到細菌，萬一不慎帶回家便傳染愛犬，所以她嚴禁兩頭愛犬接近鞋櫃，實行小心駛得萬年船。