啱啱過去嘅星期日，係大衛雷斯嘅25歲生日，雖然車路士最近連場大戰，但班隊友都冇唔記得，好似桑馬達就特登訂咗個蛋糕（圖）送畀大衛雷斯。佢都幾有心思，蛋糕上嘅公仔髮型係大衛雷斯嘅招牌爆炸頭，而件車仔波衫仲係佢着嘅4號嚟㖭！大衛雷斯因為鼠蹊受傷，錯過兩回合對巴塞嘅歐聯4強，但佢已經好番，最快可以喺嚟緊對昆士柏流浪嘅聯賽上陣。