雖然對西班牙足球的認知，遠自RealMadrid被譯做「真馬德里」時已開始，但由於香港一直苦無西甲賽事直播，故每當說起幼時睇外國波的美好回憶，我會想起由伯伯BrianMoore主持的《EnglishSoccer》（實在搞不懂當年三色台為何起這樣的節目名）、《沙馳球壇盛事》，甚至是亞視由阿叔主持的《西德甲組足球聯賽》，但西甲呢？抱歉，沒印象，亦無法與同輩有集體回憶。
喺皇馬「返工等放工」
因此，當「畸寶」有西甲直播時，梗係大睇特睇啦！可惜，開賽時間麻麻，球場永遠昏昏沉沉，而且球隊之間的水準差距頗多，看得不投入。
就算直至現在，皇馬與巴塞鬥生鬥死，而C朗與美斯又鬥入波，卻仍感受不到那股激情，牽動不了情緒；而我覺得有一個人的看法與我相同，他不是別人，正是皇馬教練摩連奴。
每次見到摩連奴在皇馬後備席，一副愁眉深鎖的樣子，贏波輸波都一個樣，又不理睬傳媒，那情況較執教國際米蘭時還要糟，突然覺得他有「返工等放工」feel。
其實，摩連奴基本上已做到為皇馬重奪西甲的目標，在歐聯亦已殺入4強，我很想對他說：「摩佬，返來囉！英超需要你。我想再見到你氣宇軒昂的領軍步進球場，想看到你與費格遜及雲格鬥嘴，想再聽到你講自己係『特別的人』這些金句。摩佬，返來囉！」
文：吾中