拜仁球員要小心，原來足足有7個人有牌在身，如果今場佢哋攞多張黃牌，就算入到決賽都冇得踢。呢7個球員包括謝路美保定、畢斯杜巴、拿姆、路爾斯古斯達禾、卻奧斯（圖）、阿拉巴同湯馬士梅拿，真係班波中後場求其揀個都有牌。皇馬方面亦唔算少，若果沙治奧拉莫斯、沙比阿朗素、法比奧干查奧同希古恩攞多面黃牌，都要喺決賽停賽。