英格蘭國家隊叫三獅兵團，以表示勇敢；將贊助英格蘭國家隊出戰歐國盃西裝嘅馬莎，就搵嚟全隊英軍，好似謝拉特、禾確特等型仔，靚靚仔仔咁示範新西裝。英國《太陽報》率先公開嘅宣傳照片，相中更有3隻獅子陪伴，不過英格蘭「粉絲」唔使擔心，相信呢輯相都係透過PS加啲獅子，如果真係搵球星同獅子影相，一吓唔覺意獅子咬傷班球星，馬莎都唔知點賠。另外，英格蘭嘅球衣贊助Umbro，又推出為紀念StGeorge'sDay（聖佐治日）而設計嘅系列，傳統英格蘭主場喺白衫藍褲，呢次就整個白衫紅褲，同StGeorge旗幟一樣，不過就唔會喺歐國盃正式穿着。搞咁多嘢為乜？都係想「粉絲」買多幾件產品啫！