同版的世民哥，對時事新聞的口味觸覺和我有九成似，上星期再搶我閘，寫了大家樂$50燒鵝飯。不過今次有仇報，除了燒鵝，還有加一蚊的一哥焗豬！又因為他太快手，就錯過了第二日《蘋果》記者請添好運培哥做燒鵝飯BlindTasting的結果。
記者今次這個跟進做得好，抵讚！不管閣下是學生還是在職人士，必須要有CriticalThinking及CriticalMind，養成習慣，無論從事甚麼行業或崗位，都是最有利的武器！
為甚麼認定快餐一定只能平？要是質素不能維持食客還會光顧嗎？照道理，快應該要貴才對！銀行分行專櫃為大客服務以減少輪候時間；巴士及小巴特快線一定比普通線貴，為甚麼有乘客專揀來坐？要是價錢只能往低看何必多此一舉開特快線？我知一定有人不服氣，和快餐加價怎可相提並論，那的確是！快餐可以不食，要省錢可以帶飯或者食其他，返學返工的搭車錢如何能省？
各位可能很少行街市超市，不妨問問師奶們糧油價格最近升了多少？莫講舖租夥計人工燈油火蠟等等開支。經營生意難道應該蝕錢？至於價錢合理不合理，市場會自行篩選淘汰。加一蚊是喪盡天良的話，我敢講所有商人都只能是貪得無厭的吸血鬼！你們要是大家樂老闆，看法會一樣嗎？
至於燒鵝飯，元朗街頭街尾的燒味店，去年起已賣超過$50，要髀加$20至$30，味道還不及大家樂的好。我嫌貴，所以選擇食燒腩，盛惠$45！上次罵了兩句九華仔居然有舊生懷疑我被收買做打手！我鄭重嚴正聲明絕不認識大家樂上下一概有關人等，更從未持有任何相關股票及投資產品，得未？
張慧敏（COREsearchLtd）
mailto:[email protected]