鄺美雲（Cally）昨日於九龍灣與滿蓮法師一同出席佛誕嘉年華記者會，Cally宣佈將於本月28日在維園舉行嘉年華及浴佛儀式，她說：「今年將浴佛儀式搬上舞台，而所有表演活動都會喺上晝進行，因為我哋個嘉年華有中西義診、齋菜等等，想市民多啲參與，同埋唔使曬親。」說到表演項目，Cally透露自己屆時會上台獻唱：「司儀就請咗陳貝兒同王賢誌，而我到時會上台唱梵文版大悲咒。」
昨日Cally的聲音有點吵啞，問她是否練歌過度？她說：「唔係，係天氣問題所以感冒，到時就會好。」Cally又透露近日忙於當義工：「之前我去咗羅湖女子監獄同佢哋（指在囚人士）浴佛，嚟緊我會再去懲教署教煮齋。」
採訪、攝影：譚倩宜