港甲水平雖然不及外國波，但以消費者角度來說，60港元欣賞同樣是90分鐘的球賽，算是相當抵睇；若要挑剔的話，就是球場內小食亭的食物偏貴，想吃得「豐富」一點，便幾乎要多付一張門票錢。
本地波以南華球迷最多，遂以擁南躉為例。做得少林寺忠實「粉絲」，買件紅衫白袖球衣貼身撐場當然不少得，盛惠429元；入到球會主場香港大球場睇場港甲，門票只需60元，學生及長者更只收20元優惠價；相比外國球迷捱貴飛，港人睇波算相當有福了。
要數最有福的球迷，則首推深水埗擁躉，事關該地區球隊今季首衝港甲，為了吸納球迷，今季大部份主場賽事也「賣大包」，所有門票一律只收20元。然而，球賽抵睇，不代表場內食物抵食，若然想學外國球迷一邊嘆熱狗、汽水，一邊睇波，以大球場為例便要盛惠42元，相等於一張正價門票的7成價錢。即使在深水埗運動場幫襯同樣食品，也要25元，仍比市面貴得多。本報記者