【盛女大追捕之老翻碰頭】盛女Bonnie和人生教練Winnie昨日凌晨開咪為商台主持節目,請來被指跟Bonnie似足兩兄妹的錢嘉樂做嘉賓。嘉樂戴上假髮扮Bonnie,他笑言覺得二人最似就是同樣有兩個大鼻窿。
無綫真人騷《盛女愛作戰》播出以來,掀起全城熱話,幾位盛女和人生教練成為新聞人物,其中被指女版錢嘉樂的盛女Bonnie及被批評無資格做人生教練的Winnie,昨日凌晨和林曉峰合作為商台開咪主持新節目《大龍鳳》,更經商台CEO陳志雲做中間人,請來錢嘉樂做嘉賓。
介紹Bonnie做小三
嘉樂甫見Bonnie和Winnie先大讚兩人靚女,之後林曉峰要他戴上長假髮,跟Bonnie對照是否相似,嘉樂戴上假髮後笑言:「我哋係18年前失散嘅龍鳳胎,不過我今年40幾歲,睇落我哋最似係大鼻窿。」之前Bonnie自爆曾做小三介入別人婚姻,嘉樂不避嫌搞笑說:「你怕冇人要,有阿哥喺度代你出頭,阿Lo(林曉峰)搵二奶啦,不過要問咗康子妮先。」當嘉樂和Bonnie合照時又拖手又蹺手,他更掃她的手背,嘉樂笑說:「食人豆腐勝做七級浮屠。」問會否考慮和Bonnie上契?嘉樂直言沒有所謂。
至於Bonnie未見嘉樂前坦言緊張,她同樣表示不介意和他上契:「我可以叨佢嘅光,梗係可以諗吓。」但她不認跟嘉樂似樣。至於兩性導師Santino的死敵Norris前日指節目中介紹給盛女的男仔,如力追Bonnie的Wood和Roxwell皆是他的學生,指節目做媒,Bonnie表示:「節目中我哋認識同交往係真,總之我同啲男仔、Winnie同導演冇收利益。」
嘉樂揀小島結婚
此外,嘉樂昨日接受商台電話訪問,他大讚女友湯盈盈:「雖然佢係ABC(AmericanBornChinese),但佢鍾意煮嘢食,煮好放喺雪櫃畀我,令我有被愛嘅感覺。」至於結婚,嘉樂說:「結婚未必會擺酒,或者會去一個島,邀請最好嘅朋友同親戚食餐飯!」再追問婚期,嘉樂只說:「出年左右。」
採訪、攝影:馬建華、黃曉妍