有讀者投訴前日無綫外景車唔停車熄匙，畀MCJin同官恩娜喺車嘆足成粒鐘冷氣。噚日無綫外事部發言人解釋前日兩人喺中環拍新劇《雷霆掃毒》，當時外景車上仲有梳頭、化妝、服裝八個工作人員，由於藝人要化妝整頭，所以司機先至冇熄匙，開咗大概半粒鐘冷氣。當時有另一司機投訴無綫唔啱，仲即場報警，但警方到場了解過後認為冇問題。