「聽到一聲巨響，成個心離埋」，與死神擦身而過的阮先生，到肇事地盤做替工數天，即險遇橫禍。他憶述當時與兩名工友在吊籠內工作，升至離地面10多呎時，玻璃幕牆突從天而降，就在離他們2米外墜落，碎片四散彈開，「好彩戴住頭盔，唔係個頭實畀碎片擊中受傷」。
阮先生對事件仍猶有餘悸，頻呼「好彩」，即時致電家人報平安。他表示酒店火警後，多個玻璃幕牆搖搖欲墜，工頭已提醒他們小心，「點知真係跌落嚟」。他表示，以替工形式在該地盤工作，負責燒焊，事發時與姓鄧及姓周工友在吊籠內升往樁柱準備工作。
「聽到巨響個心離埋」
他說，聽到地下工友大叫，未及反應，多塊巨大玻璃已應聲墮地，碎片散落一地，因吊籠沒有蓋頂，碎片飛落籠內，「聽到頭盔一陣物件擊中聲音，好似落雹咁……諗番真係好驚，我個位置最近，如果跌正籠入面，實冇得避……聽到一聲巨響，成個心離埋，家仲驚緊」。
其後，三人走出籠後均面無人色，不敢行近墮下玻璃位置。
《蘋果》記者