對於愛白如命的女士，黑色素比見鬼更可怕吧？電影中的李心潔往往「素顏」示人，滿面雀斑，面色暗沉，找她談美白好似欠說服力。今日一見盧山真人，皮膚白滑緊緻，神采飛揚，「我哋做Artist的面色太Sharp，而電影中我多數飾演小鎮平民，惟有靠化妝、畫雀斑ToneDown，令觀眾唔認得係我。」聽過她的美白心得，就知佢無呃人！
撰文：白雲
攝影：伍慶泉
場地：ZeloBar&Restaurant
「我塊面會發光呀！」
眼前的影后李心潔，明艷照人的程度令人打個突。由出道時的少女標本Sell爽朗男仔頭，到走入影后之路見鬼，銀幕上的她好像從未飾演過「靚女」的角色，加上鬼后大多飾演普通人甚至精神病患者，難以濃妝示人，「我拍戲連粉底都無搽！」化妝反而因為要扮醜，「之前拍《夢遊》，老公（導演彭順）覺得我素顏太靚，皮膚太好，所以化妝加咗好多斑。」卸下「平民妝」，心潔的膚質堪稱完美，就算近距離高清透視亦看不出破綻，但她坦言不是皮膚淨白的天生麗質，「以前皮膚好乾，又多粒粒，化妝都唔貼面。」生長於馬來西亞的她，長年愛與陽光玩遊戲，以為從此與白絕緣，「我從來都唔係好白嘅人，又鍾意戶外活動。」勤加美白後卻成功扭轉乾坤，唔怪得話：「自從用咗神仙水，就一日一日睇到膚質改變，連我都可以白得番，都可以係好多女人嘅鼓勵！」秘訣原來是神仙水和勤力敷Mask，「美白真係好緊要，仲會令皮膚睇落更幼滑。」最近更用埋SK-II新出的美白精華，令面色更通透，「鍾意佢唔會令皮膚乾，好滋潤，令到皮膚有BlingBling嘅感覺，好有光澤。最近見到個朋友，佢問我塊面做咗啲咩？塊面會發光呀！哈哈哈！」
「太陽太毒，一定要防曬！」
美白還要防患於未燃，最愛游水更愛旅行的她十分注重防曬，「我好怕凍，從來都唔會揀冬天嘅國家去旅行，只會夏天去，因為多接觸陽光，所以防曬一定做到足。之前去非洲，兩三個鐘就要補一次防曬。」她指曬得太陽多，除了會又黑又暗沉，皮膚乾燥細紋會同時暴增，所以保濕與美白的關係唇齒相依，一定要同時進行，「之前我去印度日日都33℃，好熱好熱，抹出嚟全部黑色㗎！好多污糟嘢！但我帶咗二十幾張美白Mask去日日敷，所以最後都無黑到！」她更補充，追求美白不止單單搽護膚品咁表面，而是由內到外，要保持心境開朗，兼勤力做運動。「膚色暗沉是因為體內的黑色素會排喺面上，只要做運動出汗，就可以將毒素排走。」秘訣之一是常跑步，「我跑完步之後都覺得自己白咗好多！因為排汗後，加速血液循環，氣色好好，皮膚都會白啲。」咪以為她只會匿埋冷氣房內跑，原來朝早去了跑維園！
「夏天顏色要鮮艷！」
心潔最近亦踩入時裝界，在大馬開設自己的BoutiqueCACAC，當起設計師來。問佢今季有乜FashionTips就最啱：「大自然一直係我設計的靈感，春夏會諗起太陽和風，係好舒服嘅天氣，所以我建議大家着輕身嘅衫，個人輕鬆啲Relax啲，我會着雪紡和絲質裙，我自己好鍾意長裙，因為有風吹起時會有好浪漫嘅感覺。」雖然今日主題是白，但她建議夏天不妨穿得Colourful一點，「顏色要Bright，粉紅色、紅色、甚至黃色橙色都可以在夏天出現，令人睇起嚟好有Energy。」不怕會令臉色變黃嗎？「所以要勤力美白囉！只要對自己的皮膚有信心，着咩衫都OK！」
Sinje'sPick
右：SK-II科研超淨斑精華$740/30ml（a）
蘊含掌葉樹精粹及甘皙酸，強效去斑，阻截黑色素誕生。
左：SK-II科研重點淨斑方案$890/28支（a）
含褐色海藻AlariaEsculenta、維他命C及Pitera三管齊下。晚間先以超淨斑精華塗勻全面，再於色斑位置塗一支科研重點淨斑方案，28日可淡化累積五年的色斑。
左起：SK-II環采鑽白修護霜EX$800/50g（a）
美白保濕，清爽不油膩，夜晚用三倍份量按摩，一星期便見效。
SK-II護膚精華$870/150ml（a）
一支「神仙水」集撫平皮膚、抑制斑點、令皮膚緊緻光滑的功能於一身。
SK-II環采鑽白精華EX$890/30ml（a）
PixelWhite成份能改善膚色不均問題，抑制黑色素形成，高效滲透，令膚色更通透。
光澤之選
針對色斑
a.SK-II（27539033）
九龍灣德福廣場1期地下G72號舖
b.I.T（29180667）
金鐘太古廣場L2252號舖