【本報訊】「我係荃灣烏蠅，未請教呀！」年約30歲赤膊醉酒青年，前晚8時許拿着一支長長竹帚，在荃灣大河道截停一輛新界南交通部的警車，大爺般坐在車頭冚抽煙。「我飲多咗，走去求救，佢（指警車上警員）縮埋閂埋門，咁點呀？」警員其後驅趕「話之你係烏蠅定曱甴，我係警察，做緊嘢、唔好搞事喇！」擾攘數分鐘後，醉漢終被趕走，事件中無人被捕。
