盛女愛毒男？Out，志明與春嬌的續集，是盛女愛鞋王。
盛而不寡，就是剩，剩女不是剩蔗，冇理由賤賣。而巴辣剩女更可以戥起天撐腳對鞋王說，你不是我那對鞋。
豐盛人生，包括豐盛人身，修身齊家，女人無論有冇過剩，都有權由頭到腳豐盛自己，只是，暫時未聽過有女人為自己一對腳板去整形。
粗口盛女vs喪品鞋王，邊個能企硬到最後？靠把口，抑或靠鞋踭？
梁振英有種的話，應該一鎚定音宣告，上任後百分百將剩女數目減到零！
新班子必須操盤，絕對不能讓剩女惡化為單非或雙非社會問題，即是非常擒青、非常八婆、非常爛口、非常是非、非常吟噚、非常唐英年（口頭禪是「你呃人！」）非常梁振英（唔知幾時會唔記得、唔明白、唔清楚和唔代表我！）
剩女是盛世產物，由曾蔭權做好這份工順延至梁振英的穩中求變年代。新舊班子做剩女交接，必要時借助西環給力。二寶同志愛不愛泡足、穿幾號舊鞋？