《企業透視》
民企股嚇到投資者怕怕，但國企股更加得人驚。27隻非金融類別H指成份股中，去年底平均資產負債比率爆升至近100%，扣除現金後的淨資產負債比率亦達63.95%，財政狀況極速惡化。如果國企股繼續盲目投資擴充，洗腳唔抹腳，遲早醞釀國企危機，後果遠遠嚴重過民企風暴！
記者︰楊智佳、葉景平
由於量度金融股的風險指標，與其他股份大為不同，因此是次本報比較負債數據時，先撇除金融股。事實上，如果大型H指成份股的財政狀況惡化，內銀股的資產質素亦肯定受損，難倖免於其中。
華能中建材最誇張
27隻非金融類別的H指成份股當中，有19隻股份負債比率於去年錄得上升，僅8隻下跌。以27隻股份的資產負債比率平均數計算，去年底為99.33%，較1年前的83.21%上升16.12個百分點；至於扣除現金後的淨資產負債比率則為63.95%，較1年前的50.23%上漲13.72個百分點。撇除了金融股後，H指成份股仍包括多隻現金牛（CashCow），包括中石油（857）、中石化（386）等等，理應足以拉低H指成份股的負債水平，但比率仍如此的高，可見財務狀況惡化速度相當快，情況足以令長線投資者憂心。
以淨資產負債比率計算，負債最高的首三位H指成份股依次為華能國際（902）、中國建材（3323）及龍源電力（916），比率分別達311%、289%及173%。三股均來自水泥及電力行業，固定資產要求較高，於中央支持下，可大量舉債發展業務，殊不知負債越積越多，若這些公司繼續漠視財政風險，一旦面對內地經濟放緩，隨時會陷入難以收拾的局面。
債重股發A股幫助微
事實上，多隻負債沉重的H指成份股，普遍有計劃發A股集資，例如中建材及中國鋁業（2600），不過，由於負債比率過高，所以預料發A股對於財政務況的幫助有限。
以中建材為例，其淨資產負債比率289%，比金融海嘯時的08年底比率244%更高。即使公司打算發A股集資150億元人民幣，假設集資所得全數用作還債，其淨資產負債比率最多由289%降至148%，仍是債台高築的水平。再者，中建材發10億股A股，每股上市價達到15元人民幣（約18.44港元），較上周五H股收市價10.46元溢價高達76%。觀乎同業安徽海螺A股較H股折讓15%，中建材要順利籌得150億人民幣，相信會有難度。
另外，中建材於A股上市以增長股為招徠，日後是否願意將所有集資所得來還債亦成疑問。
《專家意見》
反映喺股價
豐盛金融資產管理董事黃國英
「（國企）負債比率係算高，但佢哋有能力借到咁高，最重要係可唔可以清還到。個別行業好似中鋁（2600）咁係唔健康，負面因素會反映喺股價，個PE會好低；但相信唔會有國企危機，要死都死咗地方債先，地方政府Cashflow問題大過國企。中建材（3323）係特殊例子，佢槓桿高，市好就係股霸，市差就大跌，定位好清晰，所以投資者唔會覺得好大問題。」
有供股風險
浸大財務及決策學系副教授麥萃才
「國企唔代表冇清盤風險，重點係背後邊個係股東，同會唔會給予間公司無限支持。但如果國企背後大股東中央都覺得佢效率有問題，就唔理佢，呢類情況都會有；無論生意好壞，負債高等如固定嘅利息支出大咗。如果經營環境轉壞，有可能導致企業未能產生足夠現金流，產生還唔到債被清盤情況。而且會有可能要通過股本集資去降低佢負債，有可能會供股。」
