攞住1:0嘅優勢，去到魯營球場，全世界都估車路士會死守，必要時就用犯規戰術阻止巴塞進攻。不過，睇番車仔班中後場球員，包括艾殊利高爾（圖）、伊雲洛域、大衛雷斯、拉美利斯同魯爾梅利斯都有牌在身；如果次回合再攞牌，就算入到決賽都冇得踢。另一邊廂，巴塞嘅佩奧爾同馬斯真蘭奴都係同一情況；4強隊伍共有18位球員再攞牌就停賽。