「冇人搵我做律政司司長」

「冇人搵我做律政司司長」

【本報訊】出任監警會主席四年的資深大律師翟紹唐,是下屆律政司司長熱門人選之一。翟紹唐監警會任期下月底屆滿,對於會否續任,他說:「如果政府邀請我,我咪考慮做唔做囉。」將成司長還是續任主席,下月揭盅。
今次訪問被訪者表明不答監警會以外事宜,口才了得的資深大狀對這些「不速之問」答案滑不留手,更常備殺着:「今日講監警會,其他嘢唔講。」但「題外話」會否接任律政司司長一定要問,他的回應是:「冇人搵過我,冇人同我提出呢件事,所以我冇嘢可以講。」對此職位可有興趣?「我從來都冇話我有興趣,亦都冇話我冇興趣。」獲邀出任的機會?「你問特首啦」。

不知雙非如何截龍

記者再來「題外話」:「你點睇雙非截龍?」他說:「我都唔知點睇。」「我睇到個辦法喺邊,我做特首啦。」「佢講得出,佢梗係有辦法,你問佢啦。」最後祭出絕招:「通常畀法律意見要收錢!」資深大律師每小時收費動輒萬元計,付不起,只好以物易物,為他做個澄清。「我成日畀人鬧:你做乜話畀人聽你係最後生嗰個!」翟紹唐指的是他是最年輕獲委任為資深大律師的紀錄保持者。他說,聽聞比他年輕的有終審法院常任法官包致金和高等法院原訟庭法官施鈞年,兩人均向他指出最年輕的應為終院非常任法官列顯倫。1934年出生的列顯倫70年獲委任,包致金和施鈞年都是1947年出生,先後在83和82年獲委任,年齡都介乎35至36歲。
不過,65年出生的翟紹唐02年獲委任,仍是最年輕的「資深大律師」;因為三位前輩是「御用大律師」。與他同於2002年3月獲委任的還有比他年長兩年的律政司司長黃仁龍。