對於梁振英帶共青團員兼非永久居民陳冉入政府，公務員團體批評梁振英破壞公務員制度，更擔心此例一開，將來有內地組織背景的人士可隨時來港做官。
嚴重打擊士氣
根據公務員事務局規定，無論是公務員或非公務員的合約僱員都必須是香港永久居民。公務員工會聯合會總幹事梁籌庭對梁振英安插非永久居民入政府感到憤怒，批評會嚴重打擊公務員士氣。
「我唔係針對大陸人……入政府有嚴格嘅程序，高級嘅職位仲查得好嚴，包括政治聯繫同有冇黑社會背景，佢坐一個咁敏感嘅位，一定接觸到好多機密，家連永久居民都唔係。點查，唔通返大陸查佢？」
高級公務員協會榮譽主席蘇平治曾有海事處同事是獲得豁免的非永久居民專才，「畀豁免一定係香港冇人可以取代嘅專才，當時我哋從英國請咗個測量航道嘅專家，因為以前呢啲係海軍做，回歸後由海事處做，我哋冇人識，咪要請人做」。
他質疑候任特首辦項目主任是否有同類情況，即香港無人勝任，須聘非永久居民專才。
蘇平治亦指出，候任特首及公務員事務局必須遵守公務員制度的傳統，「佢哋都要解釋究竟香港係唔係冇人才可以做到呢份工，假如佢真係過渡去特首辦，佢哋更加要解釋，公務員事務局一定要把好關」。
《蘋果》記者