大戰前夕，唔少球圈中人都加把口，好似阿仙奴領隊雲格（圖），佢就睇好車路士可以晉級。佢解釋車仔家領先1:0，冇失到作客入球，係一大優勢；另外車仔喺上周六聯賽收起大半隊正選留力，但巴塞就要精銳盡出，佢仲話家巴塞嘅狀態比唔上舊年。前曼聯門將雲達沙就唱反調，話鍾意進攻足球，唔滿意車仔首回合全場死守，所以佢今晚力撐巴塞。