近日盛女話題熱爆，祖兒昨日出席公司活動時，當被問到是否盛女時，她反應很大，指阿嬌都沒有拖拍。謝霆鋒就否認與內地女星楊冪的緋聞，更自嘲很悶兼沒趣，所以冇女埋身。
英皇昨日在將軍澳高爾夫球會，為集團70周年慶典舉行啟動禮，旗下大部份藝人如謝霆鋒、容祖兒、林峯、古巨基、蔡卓妍、王祖藍和林欣彤等皆有出席，但鍾欣桐（阿嬌）及鄭嘉穎因有工作在身未能出現。
唔擔心冇男友
日前黃偉文在微博貼出祖兒和劉浩龍合照，更指他是祖兒的緋聞情人，祖兒表示只是開玩笑，提到她亦是盛女代表之一，她即反駁：「有排都未到我，至多排第三。阿嬌都未拍拖，點解佢唔係？」記者指阿嬌緋聞多，祖兒笑說：「我都有好多，匿埋咗之嘛，我都多人追㗎，排到Z呀。我有照鏡，樣又端正，性格又唔古怪，身材又弗，我唔擔心。」
此外，霆鋒日前以其製作公司的CEO身份，到科大商學院演講，有指他考慮把公司上市，他表示的確有此計劃。至於會否培育兩個囝囝Lucas和Quintus做公司接班人，霆鋒說：「幾好提議喎，細仔比較有天份，唔似大仔咁調皮。」
聞筍盤嗌黐線
問會否考慮搵另一半來照顧一對囝囝？霆鋒聞言即說：「黐線，冇咁嘅計劃。」近日霆鋒和楊冪傳緋聞，有指女方主動追求，夜半往敲他的房門示愛，他直言：「我唔會避談，我哋（指楊冪）除咗工作以外，真係冇見過，佢冇敲我房門。」會否採開放心態迎接第二春？他說：「做嘢為先，真係冇女仔埋身。」提到前妻張栢芝的舊受陳小春被老婆應采兒踢爆有小三埋身，霆鋒聞言稱：「佢犀利，但唔關我事，我係個好悶嘅人。」不少人指霆鋒是筍盤，他即笑說：「冇呀，黐線。」
另外，有指嘉穎為避林峯缺席，林峯否認此說，對近日有指嘉穎是「橡膠穎」難以親近，林峯表示：「我同佢合作時好多嘢傾，佢份人好nice。」
採訪：王連連
攝影：陳順禎
