【本報訊】「鞋王」鄧劍群向三奶李姿霆（Karen）追討物業案，雙方昨舉證完畢，稍後進行結案陳詞。踏下證人台的李昨坦言，至今仍然好嬲、好憎鞋王，當年是蒙在鼓裏下做小三，亦非錢作怪：「香港地大把有錢人，有排都輪唔到佢」，狠批舊愛「係最差的一個人」，令她白白浪費10年青春，現時她樂於做「盛女」。 記者：陳佩明
李姿霆昨日供稱，於04年4月替鄧誕下一女，三個月後發現二奶BessieLau的存在，鄧更與二奶在紅磡海逸豪園置業。巧合的是，李弟曾向鄧提議購入海逸豪園一個銀主盤，但鄧以樓價超出預算為由拒絕，改為購入大角嘴港灣豪庭一單位給李。李隨後對名下物業進行查冊，揭發匡湖居物業並非以原先的長命契形式持有，而是一人一半。
作供時再次落淚
對於殺出情敵，李選擇跟鄧當面對質，兩人為此多次爭吵，更爆發激烈場面。鄧指稱李曾經「將我着住件恤衫扯爛，掟酒樽整爛樓梯階磚，甚至用菜刀劈門框」。李對此全盤否認：「我只係大喊、狂喊咁同佢嘈。」隨着09年2月李跟黃長發開記者會，承認情侶關係，三奶生活正式告終。
李姿霆於02年戀上鄧，她在庭外說：「當時覺得佢老實，對我好好，成日陪我，唔係因為有錢同佢一齊，我以前啲男朋友都有錢。」惟好景不常，當她的胞弟意外發現鄧其實早有二奶後，情海從此翻波。
由02年至今10年飛逝，李現時的感覺是：「後悔同佢（鄧）一齊，如果唔係佢唔使搞成咁，嘥咗我10年時間。」兩人如今在法庭重逢，李直言：「仲好嬲好憎呢個人，佢呃得我好透！」昨日她作供時再次當庭落淚，她解釋因鄧訛稱匡湖居的業權受條件限制，令她感覺「好侮辱」。
批評遭鞋王抹黑
「我唔鍾意人呃我，醜唔緊要，窮唔緊要，老唔緊要，最憎人呃我！」她批評鄧：「做埋啲嘢老土……不停抹黑我！」亦無法相信「好花心」的鄧會鳥倦知還：「佢成日講大話，幾個星期前仲見到佢同BessieLau一齊喺黃埔。」至於鄧妻，李認真地說：「佢係好人，我有同佢講電話，（幾時打？）同黃發長一齊嗰段時間，話會離開佢（鄧），知道同佢一齊唔啱。」
將話題轉向現年8歲的女兒，李即時展露燦爛笑容：「BB知道打官司，佢好懂事，仲支持我，幫我祈禱。」鄧有無探望女兒？李沒有直接回應：「如果佢有要求會安排。」她又稱現時生活好好，但涉及感情的提問則三緘其口：「要做盛女，呢期最hit」，引得在場記者爆笑。
案件編號：HCA920/09