保頓嘅梅姆巴（中）死過翻生，仲有希望奇蹟重返球場比賽，喺早兩日已經開始佢嘅漫長復康之路。不過到底梅姆巴當日喺對熱刺場波因乜會休克，原來到家都未有確實答案。據消息來源話：「梅姆巴已經接受過超詳細嘅身體檢查，但眾多專家冇一個可以畀到肯定答案去解釋佢因乜會休克。唯一可以講嘅只係梅姆巴可以醒番，係醫學界歷史上其中一次最神奇嘅起死回生。」