山貓今年成績咁曳，球員同教練施拉斯（左）見到都會覺得無地自容；不過泰勒湯馬士（右）星期日對塞爾特人，輸得咁慘都唔識死，賽事中仲同塞軍球員扮friend，搞到施拉斯勁火滾！聽講賽後喺更衣室仲差啲同湯馬士打起上嚟；之後兩人俾總經理照肺之餘，更被罰錢。而山貓周三主場對公牛以68:100被炒，大前鋒嘅湯馬士得3分鐘上陣時間㖭。