高海寧、周家蔚和呂慧儀等前晚在尖沙嘴招募港姐，高海寧自爆最近暴肥10磅，令原本已34D的上圍也升cup，連腋下位置也擠出「胸脂」，風頭完全蓋過同場的兩位人妻呂慧儀和周家蔚。
歷屆港姐包括周家蔚、呂慧儀、高海寧、陳倩揚和王君馨等前晚在尖沙嘴以行天橋形式，宣傳新一屆港姐招募活動。呂慧儀大騷美腿兼以deepV晚裝亮相，但養眼度仍不及穿上tubedress的高海寧。
周家蔚孕味濃
高海寧自爆最近增磅不少，足足肥了10磅，令原本34D上圍再度升cup，連腋窩下都擠出不少「胸脂」，令到現場的宅男fans個個用相機鏡頭瞄準其豐滿身材，高海寧無奈地說：「都冇辦法，有人仲拍video，快啲搵我行泳衣騷啦，咁樣我會積極啲減到。」
剛為人妻的周家蔚屢傳懷孕，前晚她刻意穿上鬆身裙，孕味甚濃，家蔚解釋：「啱啱同老公洪天明由塞班島度蜜月返香港，呢個行程肥咗6磅，我都要減肥呀！因為25號要飛去新加坡拍瘦身廣告，但客戶已講明應該要執相。」被追問是否太大懵，連懷孕都不知道？家蔚笑說：「我哋去咗塞班島一星期，應該冇咁快有BB。」
另一人妻呂慧儀則表示未準備生BB，強調會努力keep靚身形，還暗寸家蔚說：「我唔想未生BB就孕味濃。」
港姐玩真人騷
此外，大會統籌經理余詠珊透露今屆港姐的外景拍攝會在倫敦取景，由於地方吸引，的確多了不少參賽者報名，她還表示計劃去多兩個地方，其中一個是泰國，她說：「我哋會為佳麗安排一個奢華旅程，期間又會淘汰一啲人，好似《全美超級模特兒新秀大賽》咁，總決賽安排喺8月26日舉行。」
採訪、攝影：楊潔雯
