現身在內地拍劇的胡杏兒昨日接受商台電話訪問，她月底會返港宣傳無綫新劇《耀舞長安》。由杏兒和男友黃宗澤（Bosco）主演的內地劇《跑馬場》，在中央電視台黃金檔播出，口碑不俗，杏兒表示：「拍呢套劇時都好辛苦，因為要學騎馬。但係我同Bosco喺片場唔係點傾偈，多數都係各顧各，今次係我哋第三次一齊拍劇。」
錫住男友
杏兒又澄清不是她提議劇組起用Bosco擔任男主角，更指自己沒有那麼大權力，她說：「好演員就自然有人搵。」杏兒透露當選視后之後，於內地拍劇的薪酬有增加，對於有傳她身價高過男友，她說：「我唔知佢幾多喎，我冇問佢，不過我唔敢加太多，怕冇人搵。」此外，有傳王維基指胡杏兒是其頭號挖角對象，杏兒多謝王維基欣賞，但指暫時言之過早。
採訪：李珮洳