賭王千金何超盈與好姊妹「E級超蓮」鍾采羲（Iris）早前有傳反目，超盈更氣憤大罵Iris腦殘，之後她在微博澄清「姊妹」情未變，前晚現身活動時超盈表示根本不懂腦殘意思，坦言經一事長一智，以後會更謹慎言行。
賭王四房千金何超盈及鄭兆良等前晚在中環出席珠寶活動，台灣名模林嘉綺及姚書軼為大會示範首飾，林建岳前妻謝玲玲和前度女友陳浥萍同場現身。早前何超盈在網上爆粗公開鬧好姊妹「E級超蓮」鍾采羲玩得癲，接二連三醉酒鬧事，鬧她腦殘，豈料被人放料博宣傳，有傳放料者是Iris同門師妹林宜芝（Monna），前晚帶病出席的超盈表示不認識Monna。
指英文翻譯出事
超盈說：「由頭到尾都冇發生過任何事，只係我貪玩，以為朋友間嘅jokes，唔使咁嚴肅，學咗好好一課，以後講嘢做嘢小心啲。」問她有否指好姊妹Iris腦殘？超盈說：「乜係腦殘？我唔知點解，其實我係寫英文，呢個係翻譯嘅問題。」
同場示範的林嘉綺戴上市值2,000萬元、重400卡海藍寶頸鏈行騷，姚書軼則戴上價值3億元的翡翠玉蟬胸針，以及2,300萬元、重19卡鑽石戒指。林嘉綺大讚款式有創意，她說：「我收過最大的珠寶就是老公送的求婚戒指，3卡，真的很大。」她與老公分隔異地，但不時互相探望，並計劃明年生小孩。
謝玲玲恨做奶奶
剛過生日的姚書軼自嘲過lonelybirthday，她說：「工作中渡過，呢個係最辛苦嘅生日，但係好意頭。」她笑言要儲錢搵婚姻介紹人MeiLing介紹筍盤，但怕醜不會參加星級版《盛女》。偕兒子林孝賢到場的謝玲玲，期待仔女早日結婚，並透露嫲嫲不時安排相睇，她說：「佢（指兒子）嫲嫲話我做乜識咁多人都唔介紹，個仔都就31歲啦，都想佢快啲結婚。」
採訪：盧妹 攝影：仇志德