大戰前夕，巴塞同皇馬嘅名宿先打場口水戰，撐吓母會！皇馬嘅山齊士就估球隊可以作客贏2:1，佢對教練摩連奴嘅戰術好有信心，只要今場全力壓住巴塞，減少對手嘅空間，就有能力喺魯營贏波。至於巴塞名宿沙連拿斯就估巴塞贏3:1，佢話歐聯首回合輸波唔會影響兩隊嘅發揮，預料呢場係非常激烈嘅比賽。