祥嫂洪金梅早前現身有線娛樂台節目《星級會客室》，接受好友汪曼玲訪問，祥嫂於節目中大爆祥哥新馬師曾不只一次約會美女兼斷正，祥嫂說：「有次我去完台灣工作返香港，發覺唔見咗個老公，仔女答案又唔同，就心知不妙，於是去到佢經常去嘅戲院搵佢，果然見到佢同一個年輕貌美嘅女仔喺一齊！」祥嫂說雖然當時怒火中燒，但因祥哥叫她有事回家才說，於是她只好留守現場當電燈膽：「我坐喺佢哋中間，同佢哋睇完齣戲，煎熬佢哋，唔畀佢哋走！」
問祥嫂之後祥哥還敢不敢再睇戲？祥嫂笑說：「佢改去飲咖啡，有次有個女仔打電話搵我，話祥哥約佢去飲咖啡，但佢唔敢去。我二話不說話代佢去！祥哥見到我出現，嚇咗一跳。」
撰文：葉雪