「你衰咩呀？」「我只不過係將屍歪個身...駁咗上去條人形娛蚣放上網之嘛！」漫畫《創作有罪？！》講述主角因觸犯網絡廿三條而入獄，搞笑荒誕，卻將會成為現實。此書主編、80年代漫畫家甘小文說，一旦惡法通過，轉載或二次創作其作品的市民均面臨刑事起訴風險，本港的言論自由比30年前更加倒退，「即係拉我啲讀者去坐監！」
竭力捍衞自由領土
甘小文80年代於《太公報》連載漫畫，其名句「柑蕉桔李蘿柚」的靈感來自作家簡而清；肥婆四、哨牙珍等漫畫人物來自上官小強的《壽星仔》，其後再被周星馳「三次創作」，搬上大銀幕。甘小文慨嘆，從沒被人投訴侵權，「我以前成日攞人哋嘅相嚟玩，賺稿費㖭，人哋唔會嬲，更加唔會告」。
早前理大學生把蘋果標誌二次創作，融入喬布斯輪廓，引來商機；網民的討論區頭像經常使用改圖或動漫圖片。甘小文質疑，連這些行為也可能觸犯版權條例，必定扼殺創作自由。他揚言，政府一意孤行推惡法，倒不如集體把創作人收監，「唔好選擇性執法呀，全部拉晒我哋！」
著名插畫家兼填詞人小克對網絡廿三條的新修訂感到失望，預期網民改歌或因此成為絕響。他認為當局所指超乎版權人的「輕微經濟損失」含意不清，控方容易鑽空子。以他把陳奕迅的流行曲《一絲不掛》改編為《一支得啩》為例，雖然陳本人非常喜歡，更公開翻唱改編版本，但仍難以計算對原作版權人的經濟損失，「呢首歌可以帶動返個原作，亦有人覺得原作好正經，畀你搞到咁樣唔鍾意。咁點計損失？有咩方程式？」
小克認為，本港創作人必定竭力捍衞自由的領土，除了上街，也會利用創作向當權者還擊，「你激嬲我哋只會有反效果。政府想立法就立囉，咁樣限制創作自由，我哋就作啲新嘢嚟寸你！」《蘋果》記者