余文樂、楊千嬅和演Brenda的林兆霞主演的電影《春嬌與志明》票房衝破二千六百萬，導演彭浩翔兌現承諾，反串翻拍《別問我是誰》MV，前晚率樂仔、王馨平等到尖沙嘴看MV首播反應。
首看MV的王馨平笑到標眼水，而笑得人仰馬翻的觀眾大讚阿樂及導演反串靚女。若票房衝破三千萬時有何搞作？彭浩翔說：「暫定余文樂裸跑，如果過四千萬就叫老闆翻拍一次。」樂仔笑說：「導演跑我咪跑囉，我唔怕貨比貨。」彭浩翔則說：「到時你唔好跑咁近，我怕fing親你！」
被惡搞的王馨平無奈說：「睇阿樂個版本已好好笑，今次導演呢個我都唔知點講好！老公遲早都會睇到，我驚佢睇完瞓覺見到我會諗起佢哋！」鄭嘉穎曾表示會要求王馨平請食飯，她說：「等佢忙完就會請。」
採訪：譚倩宜
攝影：仇志德