喺內地做緊巡迴演唱會嘅張學友，噚日接受商台電話訪問，5月29號就返嚟香港做尾站，今次共做145場，之前有報道話學友今次巡迴賺唔少，學友就話：「我冇計過收入幾多，但一定唔係報道講咁多，事實上數字差好遠，佢哋真係諗太多。」學友一向係廿四孝老竇，佢話做完演唱會之後，就可以有多啲時間陪兩個寶貝女。