春夏到，又係靚靚凉鞋出動時間，但睇見灰黃腳甲，真係唔敢羞人現眼！其實灰甲是惡菌作怪，以往只靠口服外塗藥物，未必可將佢消滅，最近有醫學研究，利用激光深入甲床，可以殺死真菌及其孢子，以後靚女們唔使再遮啦！
記者：張文蕙
攝影：伍慶泉
Model：Ruby
病徵
甲面混濁
出現白化
發黃、啡灰
易碎
甲面變厚
甲板變形
Gel甲最高危
足病診療師古永康指出，春夏是求診高峯，原因是冬天腳趾可能因為擠迫而受損，但因着密頭鞋，好多人都自欺欺人唔就醫。但一到天氣暖和又潮濕，提供了適合環境予真菌滋生，自然在春季多人發病。着露趾鞋會唔會清爽啲？「係通爽，不過室外地方咁污糟，會好易惹到菌。」
Gel甲香港流行了數年，但越來越多女士們因此患上灰甲：「Gel甲店用的器具沒有利用一人一套新的，只靠消毒不一定能杜絕真菌。」
此外，古醫生又指出，經常做Gel甲會令甲面越磨越薄及磨去油脂，令甲面保護層失去功效，很易令真菌入侵。更衣室、泳池、GymRoom及腳底按摩店等都是高危地方，小朋友赤腳上Playgroup一樣危險，噴藥或藥水都能起預防作用，但自備私家拖鞋更安全點。
復發機會不高
足病診療師古永康指，香港每十個糖尿病人，就有一個患灰甲；而每150人中，都有一個是灰甲患者，情況算幾普遍，不過唔係個個都有留意：「例如運動員，腳趾經常受創，腳甲變色都會以為無乜問題，唔易察覺。以前就話塗藥水治唔到本、食藥食成六個月會傷肝，但都未必好得番晒。家最新科技係用YAG激光1064頻普，三個月做一次，多數三次就完全好番。有啲不太嚴重患者，甚至做一次已經好了。至少外觀上已無咁恐怖！」
YAG激光治療，剛獲美國食品及藥物管理局（FDA）認可，以激光殺死真菌，同時刺激趾甲生長；美國研究報告顯示，患者接受三次治療，再利用高解像度相機拍攝趾甲，發現新生的趾甲外觀明顯改善，沒有變厚或變色：「激光可以深入趾甲內層（甲板）和甲底下的皮膚（甲床），不但消滅真菌，同時將真菌孢子殺死，有效減低復發機會。」
YAG激光其實是採用1064nm波長的激光，原先用於淡化皮膚色斑，做過嘅女士都知，做一次都要幾千到成萬蚊不等。家用嚟醫灰甲，只消$600一隻腳指公，其他$100一隻，為了靚靚涼鞋着想，大家是時候正視了！
古永康足科診療所：25220897