季尾波，真係冇得拗氣，鬥志勝於一切，越近煞科，呢類數據越強，不過還是要配合賠率出擊；縱然會有失手鏡頭，樂觀睇希望命中時本利歸還。今天直播好戲碼由早到尾，不過本欄還是忠於常規聯賽快將煞科嘅英冠，無分冷熱捧伯明翰同修咸頓。
巴塞、皇馬去到歐聯4強首回合適值後顧國家打吡，作客「意外」齊輸可以話佢哋欠運；不過雙雄若肯多付出兩成戰意，相信呢條高達12倍嘅拜仁射車仔主W冇得中，能忍能謙虛者會係大贏家，肯跨日過關賭冷W者，最值恭喜。所以賭波小弟少玩走地，多只用來鎖定利潤，還是開開心心專注欣賞大戰；周中走地，單係阿仙奴對韋根同車仔鬥巴塞兩場直播大戰，好此道者肯定多遍體鱗傷。
霸佔官地18年，但自己可以辯稱係搵緊開心錢；香港果真言論自由之地，百花齊放。賭波亦然，倫敦雙龍會、西班牙國家打吡，成今晚全球足球迷焦點；但小弟偏喜歡先鑽研尚有兩場就煞科嘅英冠，賭吓開心錢。上次本欄捧樸茅對家失手，今次佢哋主場又要必勝打比郡求存，賠率同上仗相若；但同日布里斯托城亦繼上仗向韋斯咸搶分成功後，再於主場迎已宣佈護級成功嘅班士利。只要布城同時間一贏，樸茅即宣佈降班，今場不上貼士榜，主因貼樸茅對家多冇乜緣份，而且布城W雖穩，1.65倍卻未算吸引。
據聞馬會莊家非常貼近英國最大幾間賭波公司嘅開盤手策略；但英冠今周有場大戰兩地嘅賠率差異相常誇張，就係爭升班失敗嘅白禮頓，迎穩入升班附加賽嘅伯明翰。英國立博初盤伯軍客W2.4倍，但馬會只得2倍。伯軍仍要爭W（煞科主場鬥「1哥」雷丁），以免跌落第6名喺附加賽首輪即對強敵韋斯咸，今場戰意仍盛；前陣子作客僅被韋斯咸3:3逼和一仗印象深刻，只可惜小弟無法身在英國下注，焗住畀正牌莊家㩒住搶，賭2倍客W，冇計！
另選，捧修咸頓上盤作客打米杜士堡，繼雷丁後提早升英超去也。修頓作客近7戰6勝，最重要射手列基林拔壓陣（近期唯一客場敗仗，吞黑池3蛋因林拔停賽）；喺關鍵時刻修頓難言全失3分，讓第3位韋斯咸有機追上，上盤高水抵賭。
下次見報（28/04）
蘋果波神
今日重心推介
首選
伯明翰勝（2）
次選
修咸頓（上）