【本報訊】近年社會企業（社企）越開越多，不少標榜為弱勢社群創造就業和培訓機會，令社會大眾抱同情心光顧。惟社企質素參差，有市民光顧由工聯會核心成員領導的社企樂群社會服務處裝修新居，發現手工差劣，師傅拒執漏之餘還出言恐嚇。惟現無特定機構監管社企，如出事只能當一般消費投訴處理。
今年初入伙天水圍天慈邨的曾先生，花費7萬元光顧樂群為500多平方呎單位作全屋裝修，「睇到電視節目介紹呢間社企，話幫到就業不足人士，見佢哋搵工聯會鄭耀棠、陳婉嫻做正副主席，有信心保證所以幫襯」。
牆有裂痕門不能上鎖
工程需時一個月，如期完成卻問題多多，「牆身只髹得一層油，冚唔到舊油好肉酸；有啲電線冇燈喉藏住，地台燈喉走線位師傅又唔條坑藏住就鋪磚，搞到地板隆起」。此外，廚櫃崩角之餘，廁所鏡玻璃膠發霉及可整條拉出。記者現場所見，牆身有多條裂痕，主人房房門尺寸太大，壓住門鎖位未能上鎖。曾先生要求師傅執漏，對方反聲大夾惡：「佢叫我自己執，又話咁嘅價錢做咁嘅嘢對得住我有餘！叫我唔好搵社企壓佢，仲話廿年前早就打咗我」。樂群收到曾先生投訴後要他寫投訴表再派公證行跟進，「佢根本冇誠意，擺明叫我唔好再搵佢搞」。
樂群回覆，收到曾先生的投訴表格後會進一步行動。本報在網上討論區，發現有曾光顧樂群的網民也投訴裝修質素欠佳。本報曾聯絡陳婉嫻，至截稿未有回覆。
理工大學應用社會科學系社會政策研究中心主任鍾劍華表示，現時並無專責組織監管社企運作，社企內不一定有社工，若出現問題只能當作一般消費投訴處理。
