古天樂日前以謙謙君子造型，示範瑞士腕錶品牌AudemarsPiguet（AP）女皇盃新作。古仔十多年前開始收集腕錶，現有近70枚收藏，當中涉獵了複雜機械的陀飛輪腕錶，既實用又保值。古仔近日的新寵是RoyalOak磨黑色陶瓷錶圈潛水錶，他表示從錶的喜好可以窺探男人的品味，即此刻他的個性是coolblack與sporty。
瑞士腕錶AudemarsPiguet的年度女皇盃，將於29日在沙田馬場舉行，今次找來古天樂示範AP新出爐的腕錶。古仔除了愛收藏玩具，近年更也愛上集錶，他說：「十年前開始儲錶，未算係嗜好，家都有70隻，有限量又有陀飛輪，自己偏好黑、銀同金色嘅外形設計。手錶講究工藝，複雜功能手錶都係藝術品，收藏錶有實用保值，唔似車一落地就跌價，不過覺得買錶係緣份，所以你哋問我會唔會買限量錶，都未必一定可以擁有得到。」
聽董驃長大
AP今年新登場的磨黑色RoyalOak系列潛水錶是古仔的新寵，古仔對此說：「好多人有套理論，睇吓個男人有冇品味，係睇佢哋戴乜錶同着乜鞋，自己鍾情黑色、大隻錶面同sporty款式。」
AP與女皇盃，有着對royalty的尊貴氣質，古仔說：「我最近去咗天津，嗰度有個新開馬球會，睇到當地辦世界性馬球比賽，感受到馬球、馬術運動同皇室貴族嘅淵源。」古仔對賽馬運動有深厚情意結，他說：「賽馬係香港人成長嘅活動，係一個合法怡情嘅消閒活動，我爸爸好鍾意賭馬，所以由細到大都喺董驃評馬嘅聲音中成長，身邊朋友好多都係馬迷。」
馬匹有靈性
古仔笑言與馬有過奇妙的經驗：「因為拍《尋秦記》，劇情要我同隻馬傾偈，要貼近佢，要佢聽我指令，我發覺佢會認人同好有靈性，有機會嘅話我都想做馬主，退休生活有隻馬陪住，感覺好寫意閒適。」
八角革命
數AP的iconic系列，RoyalOak（皇家橡樹）絕對是家族的冠軍成員。源於72年的RoyalOak，八角形設計來自1830年英國皇家海軍戰艦RoyalOak的八角形舷窗，表達出其力量及防水的氣質，螺絲外露的細節更是顛覆70年代的革命設計。
今年是RoyalOak30歲大日子，上月的巴塞爾鐘錶展便成為焦點，其大玩格紋錶盤的古典細節，有blackchic陶瓷錶圈的OffshoreDiver、sportswatch氣質的chronograph，也有複雜機芯的陀飛輪款式，盡顯全方位個性。
復古貴族
賽馬運動源於英國皇室貴族，AP也深愛此份royalty的傳統氣質，故將情懷投放於國際一級賽事的女皇盃上，冠名贊助至今已第14個年頭。
品牌今年設計的Tradition系列限量錶，注重retromood，以復古的枕形線條為骨幹，玫瑰金或白色亮漆錶盤、阿拉伯數字時刻，表揚簡潔優雅的製錶美學。
採訪：梁錦雯
攝影：陳慧安
示範：TaisE.ofStarzPeople
模特兒化妝：[email protected]
古天樂服裝：BossCollection
場地提供：ChampagneTerrace@HKJC