「唔使做運動都可以減肥！」以康寶萊產品作招徠的店舖在港越開越多，記者直擊多間店舖，發現招牌不同但推銷手法大同小異，均把減肥產品說得神奇無比，不但可以減肥，連暗瘡也可「拜拜」，甚至孕婦及嬰兒服用後都變得更加健康。
自稱逾30年歷史
記者早前到鳳攸街300多平方呎樓上舖，姓黎的女傳銷商曾要求記者磅重，記者揹住背囊上磅，她瞥了磅數一眼說﹕「你好肥！」然後推銷康寶萊如何威水：「30幾年歷史，全世界有80幾個國家都有。」游說記者購買一個價值330元、分10次的減肥餐。
記者面露懷疑，她則滔滔地說：「我自己就減咗20幾磅，完全唔使做運動。」又稱連暗瘡都能治好。
其後，記者往多家推銷康寶萊產品的樓上舖查看，上周二中午12時許，記者到尖沙嘴樂道一間名為「健康感覺」樓上舖，四名店員穿上綠色圍裙，店內300餘平方呎坐有13名顧客，大都為OL，也不乏連上了年紀男子，統統在進食38元的代餐。
記者發現，來幫襯的客人對減肥餐深信不疑，一名聲稱服用康寶萊的男店員激動地說：「我老婆成個懷孕期都食康寶萊，因為係營養嘢嚟㗎……，我個女出世7磅7，第三個月我就冲呢啲，加奶，啲人話打針會發燒，但打咗三次都未試過喎。」
康寶萊周一在尖沙嘴龍堡國際賓館舉辦的超級商機大會，吸引超過500人參加，與會人士神情亢奮大叫「多謝康寶萊」。
有媽媽上台分享說︰「我成個懷孕期都係飲康寶萊……BB出世第一啖奶都係飲康寶萊！」《蘋果》記者