「我哋一家都好驚，完全唔敢再返屋企！」一宗爆竊案令韓先生一家心驚膽跳，更晚晚發噩夢，40多歲的他在接受訪問時口窒手震，不肯拍照，不可以錄音，就連記者陪他重返案發單位也不肯，他的理由是，無論樣貌、聲音，甚至住所曝光後，定會被人尋仇。
由於警方懷疑事件是熟人所為，事發後韓先生驚慌得立即「搵屋搬」，他和太太與兩名女兒只能暫住親友家。他坦言財物損失事小，但人命關天。
賊人出手之狠亦令他側目，「我隻狗養咗十年，對陌生人特別惡，會吠得好犀利；可能因為咁，啲賊就踢傷佢」。
韓先生害怕「熟人」尋仇，但對是否熟人犯案又摸不着頭腦。他說，若是熟人所為，何以剛過去的復活節，他們一家離港外遊，家中卻絲毫無損，反而待至上周二才犯案？近日，韓與妻正四處搵樓，警方一天不破案他都不敢返舊居。
《蘋果》記者