【本報訊】68歲鞋王鄧劍群昨繼續在高院發功，他自言跟細他27年的前三奶李姿霆熱戀時發生好多性行為，當時愛到「眼盲耳聾」完全信任三奶，三奶形容他像神，答應不會離開他。可是，他仍抱有戒心，自言「啲錢一世都使唔晒」，但以三奶名義購入百多萬元單位安置她時，竟然分30年期還款。逐漸地，他發現三奶是一名大話精。記者：陳佩明 陸羽平 羅日昇
前日庭上爆出曾安排二奶和三奶秘密參加兒子婚宴的鄧劍群，昨又在庭外自爆：「一直以來唔想老婆知我有情人、女朋友。」並補充：「老婆係生死之交，我幫佢捱一刀，佢幫我捱一刀，兩個人無計嘅，晚晚我都返屋企食飯。」至於大婆是否知情，鄧笑嘻嘻說：「邊有（二奶、三奶）吖，嗰啲係女朋友自己安嘅名。」
三奶曾稱鞋王像神打救她
他一直小心包養女人，故03年斥資購入港灣豪庭的單位，選擇讓李做登記業主，而非使用名下公司，是為免留下蛛絲馬迹，給身為公司董事的兒子Alex悉破。
他供稱，03年和李姿霆情到濃時達成買樓共識。「我幾十歲，同一個後生女一齊，我好願意將佢個名加入去，畀佢一半，但如果佢搵第二個男人，佢應該退番畀我！」
鄧引述李當時向他表明不會離開他：「我過去有咁悲慘的經歷，我點會離開你。」鄧則說：「一個男一個女喺一齊，特別係agegap（年齡差距）咁大，我買間屋落你個名，你搵到第二個男人走咗去，咁我點？」李回應：「我唔會走，喺我最慘嘅時候，你好似God咁saveme。」
話雖如此，當鄧知道李懷孕，未婚的李不願意大着肚在舊居出入，要求鄧買層「樓仔」，鄧對此口中說無所謂，但暗裏另有打算：「買樓唔係好多錢，我對佢有戒心，安排30年期還款（最長的銀行按揭年期）。」鄧指戒心來自李的複雜家庭背景：「佢爸爸因販毒坐監，爸爸同細佬破產，佢自己亦冇嘢做。」
按婦科醫生記錄，李於03年4月往診所，驗尿發現懷孕，翌月卻不幸小產曾入住養和醫院，出院當日鄧現身陪伴兼支付費用。
指三奶「唔止一次講大話」
鄧昨堅稱早於02年12月已知李懷孕，反指李就懷孕一事說謊：「佢唔止一次講大話。」究竟李當時是否確實懷孕，鄧沒有正面回答，只強調：「我哋相識時，我確實好鍾意佢，蒙蔽咗……點解要留意佢個肚？我唔係第一次有女人同我生仔……當時的確好鍾意被告，好多嘢冇考慮得咁清楚……當時信佢講嘅嘢。」
鄧在第二份供詞中強調，李是大話精、不可信。至於由最初的信任變成不信任，鄧在庭上解釋：「係超過六年幾內陸續發生嘅，蜜月期嗰幾個月，我眼盲盲地，耳係聾，其他人對我講點樣有懷疑，但鍾意一個人唔會考究咁多嘢。」
對於跟李姿霆相戀七年內，送給她總值逾310萬元的珠寶手錶、清水灣鄉村俱樂部會籍，及另外提供至少420萬元金錢，鄧劍群直言沒有打算討回珠寶手錶。
他還記得於09年1月對李發放最後一次生活費，當時更額外增撥五萬元予李以過農曆新年。鄧形容多年來「每次畀錢出嚟係有誘因，我唔係銀行提款機，你㩒幾多，我畀幾多」。
案件編號：HCA920/09