【盛女大追捕之兄妹相認】熱爆全城的真人騷《盛女愛作戰》被熱捧，節目中五位渴望戀愛的女主角日日進佔各大報章、雜誌的封面，當中男仔頭Bonnie亦成為紅人，前晚她接受電台訪問，力撐節目沒有貶低女性，她稱持開放態度，願試不同方法為求覓得另一半。至於被網民指與錢嘉樂相似，錢嘉樂抵死地表示：「佢終於搵番個親大佬。」
現年29歲的Bonnie自從參加了《盛女愛作戰》後，一夜成名，更成為狗仔隊追訪的對象，並密密接受各大傳媒訪問，人氣一時無倆。日前她接受周刊訪問時，一度因為壓力爆煲而淚灑當場，前晚她又聯同節目中的人生導師Winnie和45度達人Santino到商台接受《光明頂》節目訪問。
唔覺節目貶低女性
對於有婦女團體投訴節目貶低女性，Bonnie就不明白為何會這樣說，直言女為悅己者容，從節目中學習到人際關係技巧，她說：「好似Florence咁，佢可以選擇接受或者唔接受醫學美容，我本人覺得可以試一試，自己以開放態度睇。」
Bonnie自爆節目出街後，得到不少朋友的支持，幸好朋友的意見都是正面，令她十分鼓舞，反而與家人就未有機會談及感受，她說：「我知網上有照片傳閱，但失實，網上朋友亦澄清咗好窩心。」她坦言不習慣成為記者追訪對象，現時仍屬單身的她，亦未有戀愛對象。
祝福Suki開花結果
有傳Suki的男友是媾女王，Bonnie即說：「一個男仔或女仔同幾多個人相處，當佢搵到真命天子都會停落嚟，佢哋呢八個月如膠似漆，個男仔對其他女性冇興趣，祝福佢哋。」
此外，Bonnie裝扮後竟被網友指似錢嘉樂，前晚嘉樂抵死地說：「佢終於搵番個親大佬，其實都有少少似，不過女仔嚟計，佢梗係靚啲。」嘉樂稱亦有留意該節目，知道成為全城熱話，他又自爆：「嗰晚金像獎都有人大叫Bonnie，我唔知乜事，不過一樣照應，又真係有人問Bonnie係咪我個妹。」
採訪：張俊銘、卓寶花
攝影：林德雄
