貴為香港名模，連男友也是MadeinFrance，先入為主覺得周汶錡眼角向上，非一線貨色休想她看上眼！卻原來一切只是偏執的主觀投射。除了飛巴黎買名牌掃罕有Vintage，她亦愛在平民百貨入手，當中發現的筍貨有時真係估你唔到。只要配襯得宜，突顯Sharp爆長腿已經夠殺！
撰文：尹二三
攝影：伍慶泉
Hair：SevTsang@HairCulture
Makeup:OmixB
Styling:Sarona@SaronaStudio
場地提供：Assaggio@HKArtsCentre
煞食彩褲
今季周汶錡（Kathy）穿盡馬莎新裝，最大發現竟是SkinnyJeans，睇佢邊着邊讚最後更全部據為己有，就知修長Cutting得佢歡心，加上今季鮮艷顏色熱潮回歸，衣櫃裏必備幾條看門口，「今季佢哋出咗好多長褲，彩藍、粉紅……就算係黃色都好好睇，着得舒服而且好啱身。搵褲有時局部太闊或太窄，好難搵一條啱心水，但佢哋嘅SkinnyJeans着上身就好Fit。而且馬莎的Quality優勝，質地好好，Cotton好滑，就算是內衣都好舒服。」一條長褲看似簡單，但選擇一條啱身的，好比尋覓真命天子，「Tight的太緊又唔得，最緊要線條靚。今年流行復古的喇叭褲，有時着上身成個Shape唔同咗都可以！」真係同揀男友一樣，唔係靚仔就得，唔試過都唔知結果。
既是最愛SlimCut凸顯長腿，Kathy每日必做拉腿運動以保持下身線條，「好大運動量的，好似跑步，反而會令到小腿同大髀變得粗壯，而瑜伽可以把筋和肌肉拉鬆拉長，更加有效。」
你的衣櫃應該同潮流同步新陳代謝吧？「衫係唔可以丟㗎！潮流循環不斷，Trend兩三年後又可能返番嚟，所以我都越買越多、越儲越多！」
名模貼士
Kathy穿衣自有一套，平日最愛Vintage與新品配搭，佢話今夏最緊要有顏色，「有條顏色褲就可以跟到呢個潮流，上身簡單襯件Top或背心，夏天我覺得已經好煞食！切忌由頭到腳Colourful，搵到鞋或手袋做重點已經足夠。」襯法沒有規則，最忌公式化，「今季興嘅嘢，或者藝人穿過，大家即刻擺上身，我覺得每個人都應該有自己的風格。」話雖不應隨波逐流，但Kathy今季的「專業推介」是FloralPattern，「其實呢幾年都可以Mix&Match亂咁襯，最緊要肯試，唔失敗過又點會成功呢？時裝係一樣好得意嘅嘢。」
最近有傳Kathy將於年內被私有化，與法籍男友拉埋天窗，Kathy聞言雖然甜笑但不置可否，「傳咗好耐㗎啦！」日子雖然未能確認，但人生中的首件嫁衣相信每個女人心目中都有憧憬吧？「婚紗一定要靚！簡單得嚟又要有嘢睇，其實做嘢都着咗好多年，但到自己真係着嘅話，就覺得都係要簡單啲。」
Marks&Spencer（29218323）
中環皇后大道中22-28號中匯大廈1樓