【第31屆香港電影金像獎頒獎禮帝后感言】許鞍華（Ann）執導的《桃姐》前晚在香港電影金像獎頒獎禮成大贏家，奪最佳電影、導演、男女主角和編劇五個大獎。將做爸爸的出爐影帝劉德華對於吳君如在台上取笑他「咁大年紀仲可以搞大人個肚」，華仔坦言君如說多了，要看看怎樣懲罰她；影后兼女主角葉德嫻則笑言自己可以收皮。
劉德華葉德嫻與繼去年在金馬獎雙雙封帝后之後，前晚在香港電影金像獎頒獎禮同樣憑《桃姐》齊奪影帝影后，華仔擊敗強敵劉青雲，令外界意外之餘，連華仔也喜出望外。前晚投資方博納公司在尖沙嘴設慶功宴，華仔說：「對賽果好滿意，文藝片慢慢有市場。」
問華仔得獎後有否致電通知老婆？他說：「冇，太夜啦！」吳君如前晚在台上拿華仔開玩笑說：「佢真係好勁，咁大年紀仲可以搞大人個肚。」事後華仔對傳媒說：「君如講多咗，我唔會嬲，諗吓點罰佢！」問女兒是否腳頭很好？會否再追個兒子？華仔只說：「多謝晒！」
幫許鞍華搵資金
對於許鞍華正籌備新片，華仔說：「如果Ann有需要，我可以幫手搵資金。」Ann說：「係籌備緊，但好多嘢未定。我第四次攞導演獎，今次特別識得要感激，家發覺攞獎係幫到票房。」
葉德嫻自爆膽固醇、血糖及糖尿指數偏高，所以吃東西要特別小心：「一陣會放肆吓，食多少少平時唔敢食嘅美食。我呢個年紀仲可以攞咁多獎，真係要感恩，可以收皮同死得㗎啦！」最近王晶找葉德嫻演新片，問她會否加片酬？她說：「得獎唔代表有票房，我係廉價勞工，冇意思要加片酬。」
吸逾二百萬觀眾
華仔和葉德嫻昨接受商台訪問，三度稱帝的華仔說：「我心情一樣咁興奮，啲人仲笑我係奧運演員，每隔四年攞一次。」華仔指最開心是奪最佳電影，因上次金馬獎失落了此獎。葉德嫻則說：「我已經有好多獎，係好好嘅獎勵。」
另外，前晚頒獎禮收視平均有31點（199萬人），最高時段有34點（218萬人），當時是由彭浩翔和楊冪任頒獎嘉賓，以及葉德嫻唱歌。
採訪：張俊銘、何慧斯
攝影：仇志德
