每年墾丁春納音樂會引嚟無數火辣台妹，在陽光下盡情展現比堅尼下的美好身段。小記慕名而來，對住風高浪急都未驚過，事關憑住Sony五米防水DC，沙灘碧波盪漾、濕身辣妹都可盡收鏡頭之下！
記者、攝影：韓繼聰
台妹愛玩水中機
今次嚟台灣，美食、Shopping全不是重點，「把妹」才是主題。相機僅是為台妹影紀念照工具，所以Pro友大機、M4/3通通借開，一部輕巧防水卡片DC已經夠殺。嚟到聞名已久嘅墾丁南灣海灘，眼中盡是火辣台妹，即場不停大影特影，不到五分鐘已惹嚟台妹搭訕：「帥哥，這相機很屌喲！幫我們拍個照好嗎？」嬌嗲的台妹確難以抵擋。田田、酸酸、小春，三位台妹左玩右玩又互影，見佢哋咁投入，應該幾冧我……部DC，誰不知田田竟說：「外形是很屌，相也很美，但還沒太特別喇，還給你囉！」
原來佢哋未知TX200V備有五米防水功能。「真的麼？」辣妹們開始起疑，因為台灣較少見到防水DC，而防水達五米，更令佢哋二話不說衝落水嬉戲。台妹雖不盡是絕色美人，但她們的溫柔確也令男人難以抵擋。只差一點，真的只差一點便衝口而出：「既然那麼喜歡，就拿去吧！」好彩理智突然回歸，並非唔捨得部機，而係我知道仲有大把台妹等緊我。
搶眼兼自拍一鏡兩用
台妹除咗化妝一絕，自拍技巧亦係高超，唔靚變靚、靚嘅變更靚！所以一眾台妹們對TX200V嘅鏡面設計，最為動心，「這鏡面很酷，自拍時擺Pose更方便，可謂一鏡兩用！」隨後遇到的Grace，邊說邊開始不停擺Pose自拍。另外，簡約設計同接近全輕觸式操控亦係賣點之一，機身上只設開關、快門及變焦三粒掣，其他調校喺晒輕觸芒度搞。
「照片很美哦，顏色鮮艷，拍出來的東西都很精細呢。」估唔到Grace除咗自拍，還對攝影有些認識。其實經我連日試用，發現TX200V影像的確很出色，陽光下拍攝固然好，夜景拍攝亦相當不俗，Noise控制在細機來說算高水準。加上五倍光學變焦，如果你想輕輕鬆鬆Snap吓，夏天仲可以帶埋落水，TX200V絕對係你濕影良伴。
SonyTX200V
感光元件：1/2.3吋ExmorRCMOS
像素：1820萬像素
鏡頭：蔡司Vario-Tessar
變焦：五倍光學
特別功能：五米防水
查詢：SONY（23452966）
