憑《奪命金》奪金像獎最佳女配角嘅蘇杏璇，噚日接受商台電話訪問，佢因糖尿病入院未能親自領獎，佢話好快出院，但唔可以親自領獎係有啲遺憾。對於喺《奪命金》嘅演出，蘇杏璇話：「好對唔住導演杜琪峯，好似達唔到佢嘅要求。」問蘇杏璇有冇觸發戲癮？佢話：「可以話有，又可以話冇，但經歷今次嘅病後，希望可以喺餘下日子貢獻社會。」