洪天明上月同周家蔚拉埋天窗，日前先有機會同老婆去塞班島度蜜月積極造人，但係返嚟無耐就已經要開工。噚日天明喺微博貼咗一張反串扮新娘嘅相，相中嘅佢戴晒假髮同頭紗，着埋禮服同化晒妝，但佢就搽黑塊面再襯上誇張眼睫毛同火紅唇膏，造型好鬼搞笑。結果有網友睇中天明個索女新娘look，將佢個樣key落着咗白色新郎禮服嘅鄭嘉穎張相度，真係夠晒抵死。